Fara í efni
Fréttir

Truflaði Rafael Victor markvörðinn? – MYNDIR

Hef'ann ... ekki! Viktor Freyr Sigurðsson markvörður Leiknis missti boltann í markið eftir fyrirgjöf Jóns Jökuls Hjaltasonar á 81. mínútu. Rafael Victor var talinn í rangstöðu þegar boltanum var spyrnt fyrir markið og úrskurður dómaranna var að hann hafi truflað markvörðinn. Myndir: Skapti Hallgrímsson

Þórsarar töpuðu 2:1 fyrir Leikni á heimavelli í gær í næst efstu deild Íslandsmótsins í knattspyrnu, Lengjudeildinni.

Þegar staðan var 1:1 og um það bil 10 mínútur eftir töldu Þórsarar sig hafa náð forystu; varamaðurinn Jón Jökull sendi fyrir markið utan af hægri kanti, Viktor Freyr markvörður Leiknis hugðist grípa boltann en missti hann ótrúlega klaufalega í netið. 

Þórsarar fögnuðu en seint og um síðir fór flagg aðstoðardómarans á loft eftir að þeir dómarinn höfðu rætt saman í gegnum rafrænan samskiptabúnað; aðstoðardómarinn sagði Rafael Victor hafa verið í rangstöðu þegar boltinn var sendur fyrir markið og dómararnir töldu framherjann hafa truflað markvörðinn.

Rafael var töluvert frá markverðinum þegar hann hoppaði og fyrst og fremst var þetta slakt hjá Leiknismanninum. 

Rétt er að geta þess að Rafael snerti ekki boltann.

Afar svekkjandi fyrir Þórsara og þarna sluppu gestirnir sannarlega með skrekkinn.

Umfjöllun um leikinn í gær