Fara í efni
Fréttir

Þröngt mega sáttir ekki sitja í pottinum

Þröngt mega sáttir ekki sitja í pottinum

Tveggja metra reglan var ekki höfð í hávegum í Sundlaug Akureyrar í gær, laugardag, þótt fjöldi fólks sem hleypt var ofan í laugina væri innan leyfilegra marka. Fólk gáði ekki að sér á ákveðnum stöðum, ekki síst í heitu pottunum og þurfti lögregla að skerast í leikinn síðdegis. Hún meinaði starfsfólki að hleypa fleirum í laugina þann daginn og var því gert að koma betra skipulagi á hlutina, t.d. að bæta úr merkingum við heitu pottana áður en að starfsemin yrði opnuð aftur í dag, sunnudag. Á næstu dögum verður farið yfir þessi mál hjá lögreglunni og metið hvort að einhverjir eftirmálar verða.