Þórsarar steinlágu og eru farnir í sumarfrí
Vængbrotnir Þórsarar áttu enga möguleika gegn ÍR-ingum í kvöld í úrslitakeppni 1. deildar karla í körfubolta. Þetta var þriðji og síðasti leikur liðanna í undanúrslitum.
ÍR hafði unnið tvo fyrstu leikina og ljóst var strax á upphafsmínútunum á heimavelli liðsins í Reykjavík í kvöld hverjar lyktir yrðu. ÍR náði snemma öruggri forystu og sigraði með 55 stiga mun, 117:62
- Skorið eftir leikhlutum: 22:13 – 30:12 – 52:25 – 32:14 – 33:23 – 117:62
Miðherji Þórsliðsins, Jason Gigliotti, nef- og handarbrotnaði á æfingu í vikunni eins og Akureyri.net greindi frá fyrr í dag. Án hávaxnasta leikmannsins var von Þórsara því sem næst engin.
Helsta tölfræði Þórsara:
- Harrison Butler 13 stig – 12 fráköst – 4 stoðsendingar
- Reynir Róbertsson 11 – 5 – 2
- Róbert Orri Heiðmarsson 11 – 5 – 3
- Smári Jónsson 10 – 4 – 1
- Baldur Jóhannesson 8 – 10 – 2
- Andri Már Jóhannesson 4 – 2 – 0
- Arngrímur Alfreðsson 2 – 0 – 0
- Páll Nóel Hjálmarsson 3 – 2 – 0
Smellið hér til að sjá alla tölfræðina.
Þórsarar eru þar með farnir í sumarfrí. Sindri frá Hornafirði sigraði Fjölni í kvöld í Reykjavík, vann þar með hitt undanúrslitaeinvígið 3:0 og ÍR og Sindri mætast því í úrslitarimmu um sæti í efstu deild næsta vetur.
