Slasaður vélsleðamaður með þyrlu til Akureyrar

Vélsleðamaður slasaðist nálægt Lágheiði á Tröllaskaga eftir hádegi í dag. Klukkustundu síðar voru sjúkraflutninga-, björgunarsveitar- og lögreglumenn komnir á vettvang. Skömmu síðar kom þyrla Landhelgisgæslunnar, sá slasaði var hífður um borð í hana og fluttur á Sjúkrahúsið á Akureyri. Lögreglan veit ekki um tildrög slyssins og upplýsingar um ástand hins slasaða liggja ekki fyrir.