Fréttir
Sex í varðhaldi og einn á sjúkrahúsi eftir slagsmál
20.07.2021 kl. 23:48
Mynd sem tekin var á vettvangi í kvöld og birtist á mbl.is
Sex eru í varðhaldi eftir mikil slagsmál sem brutust út á kaffihúsinu Bláu könnunni í miðbæ Akureyrar um níuleytið í kvöld. Einn slasaðist og var fluttur á sjúkrahús. Þetta kemur fram bæði á mbl.is og Vísi.
Að sögn sjónarvottar sem mbl.is ræddi við hófust slagsmálin innandyra og þróuðust með þeim hætti að stokkið var á hinn slasaða svo hann lenti á rúðu. Hún brotnaði og maðurinn skarst illa á handlegg. Mikið blóð var á vettvangi og ástandið ískyggilegt að sögn vitnisins.