Sérsveitin handtók mann í miðbænum

Ungur maður var handtekinn í miðbæ Akureyrar um sjöleytið í kvöld. Meðfylgjandi myndir voru teknar klukkan 12 mínútur yfir sjö þar sem maðurinn stóð handjárnaður fyrir utan litla bifreið og tveir sérsveitarmenn Ríkislögreglustjóra höfðu gætur á honum.

Varðstjóri hjá lögreglunni á Norðurlandi eystra staðfesti í samtali við mbl.is – sem sagði fyrst frá málinu – að lögreglan hefði ráðist í aðgerðir en vildi ekki gefa upp frekari upplýsingar.