Opnað fyrir tilnefningar til viðurkenninga FKA
Opnað hefur verið fyrir tilnefningar til Viðurkenninga FKA 2027. Atvinnulífið og almenningur eru í tilkynningu hvött til að tilnefna konur sem hafa skarað fram úr, sýnt frumkvæði eða verið öðrum fyrirmynd. Tilnefna má í einum eða fleiri flokkum til og með 22. nóvember.
Árlega heiðrar Félag kvenna í atvinnulífinu (FKA) konur fyrir framlag þeirra til atvinnulífs og samfélags með FKA Viðurkenningunni, Hvatningarviðurkenningu FKA og Þakkarviðurkenningu FKA.
„Hverja vilt þú sjá heiðraða?“ spyr FKA. „Vertu hreyfiafl, hafðu áhrif á valið með að tilnefna!“
- Smellið HÉR til að tilnefna
Fjöldi tilnefninga og vandasamt val
Síðasta Viðurkenningarhátíð FKA fór fram í janúar á þessu ári. Þá voru Eva María Þórarinsdóttir Lange, stofnandi og framkvæmdastjóri Pink Iceland, Erna Magnúsdóttir, framkvæmdastýra Ljóssins, og Ingibjörg Sólrún Gísladóttir, fyrrverandi borgarstjóri, utanríkisráðherra og forstjóri Lýðræðis- og mannréttindastofnunar ÖSE, heiðraðar.
Hanna Katrín Friðriksson atvinnuvegaráðherra, lengst til vinstri, flutti erindi á hátíðinni síðast, Ingibjörg Sólrún Gísladóttir, Ásta Fjeldsted forstjóri Festi, Ingibjörg Salóme Sigurðardóttir formaður FKA og Andrea Róbertsdóttir, framkvæmdastjóri FKA sem stýrði dagskrá kvöldsins. Mynd: Silla Páls Mirror Rose
Viðurkenningarhátíðin fer næst fram miðvikudaginn 20. janúar 2027 á Hótel Reykjavík Grand „þar sem við komum saman og fögnum viðurkenningarhöfum ársins,“ segir í tilkynningu FKA. „Tilnefningar berast víðs vegar að af landinu og fer dómnefnd yfir tilnefningar í öllum flokkum. Úr vöndu er að ráða, enda margar konur sem hafa lagt sitt af mörkum í atvinnulífinu og samfélaginu öllu.“
Hvaða konur hafa fengið viðurkenningu hingað til?
Smellið hér til að sjá listann frá upphafi.