Fara í efni
Fréttir

Ólafur hættir senn sem slökkviliðsstjóri

Ólafur Stefánsson, lengst til vinstri, fylgist með rýmingar- og björgunaræfingu slökkviliðsins í Hás…
Ólafur Stefánsson, lengst til vinstri, fylgist með rýmingar- og björgunaræfingu slökkviliðsins í Háskólanum á Akureyri í gær. Ljósmynd: Skapti Hallgrímsson

Ólafur Stefánsson hefur sagt upp starfi sínu sem slökkviliðsstjóri á Akureyri. Uppsögnin tekur gildi 1. desember þannig að hann hættir í síðasta lagi í lok febrúar.

Ólafur hefur verið slökkviliðsstjóri á Akureyri síðastliðin átta ár en unnið sem slökkviliðsmaður í alls 24 ár.  Spurður um ástæðu ákvörðunarinnar segir Ólafur við Akureyri.net að hann langi einfaldlega að breyta til.