Fara í efni
Fréttir

Oddfellowar gefa á sjöttu milljón króna

Karl Eskil Pálsson, undirmeistari stúku númer 2, Sjafnar, Ingibjörg Halldórsdóttir deildarstjóri Rau…
Karl Eskil Pálsson, undirmeistari stúku númer 2, Sjafnar, Ingibjörg Halldórsdóttir deildarstjóri Rauða krossins í Eyjafirði og Örn Stefánsson yfirmeistari Sjafnar.

Oddfellowstúkurnar á Akureyri, sem eru fimm talsins, afhentu um helgina Jólaaðstoðinni á Eyjafjarðarsvæðinu þrjár milljónir króna í styrk. Að Jólaaðstoðinni standa Hjálparstarf kirkjunnar, Hjálpræðisherinn, Mæðrastyrksnefnd og Rauði krossinn.

Umsókn um jólaaðstoð barst frá 400 heimilum í Eyjafirði að þessu sinni, samanborið við 309 á síðasta ári, eins og greint var frá hér á Akureyri.net í vikunni. Þetta er 30% aukning frá því í fyrra.

Fyrir nokkrum vikum afhentu Oddfellowstúkurnar á Akureyri Krabbameinsfélagi Akureyrar og nágrennis kr. 2.250.000 að gjöf. Í tilkynningu kemur fram að í gegnum tíðina hafi Oddfellow styrkt starfsemi félagsins reglulega „og er þessi veglegi styrkur nú svar stúkanna við neyðarkalli félagsins vegna erfiðrar fjárhagsstöðu þess.“