Fara í efni
Fréttir

Mjög slæm veðurspá frá miðnætti

Mjög slæm veðurspá frá miðnætti

Mjög slæm veðurspá er fyrir nóttina fyrir stærstan hluta landsins og á Norðurlandi eystra raunar allt þar til um klukkan níu í fyrramálið. Gert er ráð fyrir snjókomu, lélegu skyggni og hvassri norðan átt, 15 til 23 metrum á sekúndu.

Veðurstofa Íslands hefur gefið út gula viðvörun vegna þessa fyrir alla landshluta nema suðvesturhornið. Ljóst er að færð getur spillst í nótt og hvetur lögreglan alla sem hyggjast vera á ferðinni til að fylgjast með stöðu mála í kvöld og nótt, og í fyrramálið áður en lagt er af stað að heiman.