Minningartónleikar um Arnar Gunnarsson

Minningartónleikar um Arnar Gunnarsson handknattleiksþjálfara með meiru verða á Vitanum í kvöld og hefjast kl. 20.00.

 

Á tónleikunum koma fram þeir tónlistarmenn sem Arnar mat hvað mest, að því er segir í tilkynningu: Stefán Jakobsson – Stebbi Jak úr þungarokkssveitinni Dimmu – og hljómsveitin Helgi og hljóðfæraleikararnir.

„Allur ágóði af miðasölu rennur í stofnun minningarsjóðs sem mun hafa það markmið að styrkja ungt og metnaðarfullt handknattleiksfólk, nokkuð sem er eins mikið í anda Adda og hægt er,“ segir í tilkynningu.