Málþing um listnám á háskólastigi á Akureyri

Opið málþing um möguleika á að koma á fót listnámi á háskólastigi á Akureyri verður haldið í Listasafninu á Akureyri á morgun, miðvikudag 30. mars og hefst klukkan 14.00. Allir eru velkomnir.

Ávörp flytja:

• Áslaug Arna Sigurbjörnsdóttir, háskóla-, iðnaðar- og nýsköpunarráðherra
• Eyjólfur Guðmundsson, rektor Háskólans á Akureyri
• Fríða Björk Ingvarsdóttir, rektor Listaháskóla Íslands
• Anna Richards, gjörningalistakona

Að loknum framsögum:

• Arnar Jóhannesson frá RHA kynnir fýsileikakönnun sem gerð var á hug framhaldsskólanema á landinu til að stunda listnám á háskólastigi á Akureyri.
• Vilhjálmur Bragason segir nokkur vel valin orð um inntak málþingsins.

Eftir stutt kaffihlé:

• Listamaðurinn Bergþór Morthens ávarpar samkomuna úr fjarska; ávarpinu varpað á skjá.
• Pallborðsumræður með þáttöku framsögumanna og að auki Örnu Valsdóttur, kennara og listamanns, og Benedikts Barðasonar, aðstoðarskólastjóra VMA.
• Ásthildur Sturludóttir, bæjarstjóri á Akureyri, slítur málþinginu með nokkrum orðum og að því búnu verður boðið upp á léttar veitingar.

Fundarstjóri verður Hlynur Hallsson, safnstjóri Listasafnsins á Akureyri.

Málþingið er haldið að frumkvæði SSNE og Akureyrarbæjar með stuðningi úr Sóknaráætlun Norðurlands eystra í samvinnu við Háskólann á Akureyri, Listaháskóla Íslands, Listasafnið á Akureyri, Menntaskólann á Akureyri, Menntaskólann á Tröllaskaga og Verkmenntaskólann á Akureyri.