Maddie Sutton og Eva Wium farnar í Stjörnuna

Evu Wium Elíasdóttir og Madison Anne Sutton, tveir bestu leikmenn Þórsliðsins í körfubolta, eru gengnar til liðs við Stjörnuna í Garðabæ. Stjarnan tilkynnti þetta á samfélagsmiðlum í dag.

 

Eva er 21 árs bakvörður sem hefur verið í landsliðshópnum undanfarið. Hún gerði um 14 stig að meðaltali í leik á síðasta tímabili, segir í tilkynningu Stjörnunnar, og „Maddie sem spilar sem miðherji skilaði 15 stigum og 17 fráköstum að meðaltali.“

 

 

„Ég er mjög spennt að koma í Garðabæinn. Eftir að ég tók ákvörðun um að yfirgefa Þór voru nokkur lið sem höfðu samband. Það má segja að síðan ég byrjaði að spila með Þór fyrir 4 árum hef ég spilað á móti Stjörnunni oft og m.a. fórum við á sama tíma upp um deild um árið. Þannig ég veit hvað þessar stelpur í Stjörnunni geta og þegar ég fékk tilboð frá Stjörnunni þá fannst mér þetta strax spennandi kostur og er ég ótrúlega spennt fyrir þessu skrefi á ferlinum,“ er haft eftir Evu í tilkynningunni.

 

„Það gríðarlega ánægjulegt að Eva og Maddie hafa gengið til liðs við okkur hjá Stjörnunni. Þetta eru tveir frábærir leikmenn sem við höfum fylgst lengi með og erum spennt að fá inn í hópinn,“ segir Ólafur Jónas, þjálfari Stjörnunnar. „Þær koma til með að vera mikill liðsstyrkur bæði innan vallar og utan og ég er sannfærður um að þær muni passa einstaklega vel inn í þann kúltúr sem við erum að byggja upp hér í Garðabæ. Ég hlakka til að sjá Evu og Maddie í Stjörnubúningnum og hvet alla til að fylgjast með liðinu á komandi tímabili. Þetta verður spennandi vetur!“