KA eygir von um sæti í efri hlutanum
KA-menn lögðu Framara 2:0 í dag í 20. umferð Bestu deildarinnar, efstu deildar Íslandsmótsins í knattspyrnu. Þrjú nauðsynleg stig bættust þar með í sarpinn, KA fór tímabundið upp í sjötta sæti en færðist niður um eitt eftir að FH og ÍBV gerðu jafntefli í kvöld.
Sex efstu liðin að loknum 22 umferðum halda áfram keppni um Íslandsmeistaratitilinn og KA-menn eygja enn von um sjötta sætið; til þess þurfa þeir að vinna a.m.k. annan leikinn sem eftir er, en ekki er ólíklegt að sigur þurfi í báðum því markatala KA er mun verri en annarra. KA mætir næst Stjörnunni í Garðabæ og fær Vestra í heimsókn í lokaumferðinni.
- 1:0 – Birgir Baldvinsson braut ísinn á 33. mínútu. Eftir glæsilegan undirbúning Hallgríms Mars Steingrímssonar þrumaði Birnir Snær Ingason í þverslá af stuttu færi, boltinn hrökk út að vítateigslínu til Birgis sem tók hann niður og skoraði með fösti skoti neðst í fjærhornið.
- 2:0 – Jóan Símun Edmundsson gerði seinna markið aðeins tveimur mínútum eftir að Birgir skoraði. Ingimar Stöle sendi á Færeyinginn sem var á undan varnarmanni og skoraði með lúmsku skoti yst úr vítateignum.
Birgir Baldvinsson lætur vaða frá vítateigslínu og boltinn hafnaði neðst í markhorninu fjær.
Gleðin leyndi sér ekki enda markið afar mikilvægt. Birgir Baldvinsson, Hallgrímur Mar Steingrímsson og Ívar Örn Árnason fyrirliði lengst til hægri.
Nánar síðar
