Fara í efni
Fréttir

Jón Steindór Árnason ráðinn til KEA

Jón Steindór Árnason ráðinn til KEA

KEA hefur ráðið Jón Steindór Árnason sem fjárfestingastjóra með áherslu á fjárfestingar í óskráðum hlutabréfum. Þetta kemur fram á heimsíðu KEA. Hann kemur til starfa í janúar.

Jón Steindór er 45 ára gamall viðskiptafræðingur með M.Sc. gráðu frá Háskóla Íslands. Hann er með 20 ára reynslu á íslenskum fjármálamarkaði.

Jón Steindór hefur meðal annars starfað í sérhæfðum fjárfestingum hjá Íslenskum verðbréfum og sem framkvæmdastjóri fjárfestingasjóðsins Tækifæris hf. Þar áður starfaði hann hjá FME og BYR. Þá hefur hann setið í fjölda stjórna á undanförnum árum.

Jón Steindór hefur verið framkvæmdastjóri Ásprents í rúmt ár, síðan í nóvember 2019.