Fréttir
Hringferð til styrktar Píeta-samtökunum
12.08.2022 kl. 06:00
Félagar í Toyrun í heimsókn hjá Píeta á Akureyri á hringferðinni um landið á síðasta ári.
Meðlimir í Toyrun-mótorhjólasamtökunum hófu í gær ferðalag um landið í því skyni að selja barmmerki til styrktar Píeta-samtökunum og verður hópurinn á Ráðhústorgi á Akureyri í hádeginu í dag, á milli klukkan 12.00 og 13.00.
Píeta eru samtök sem sinna forvarnarstarfi gegn sjálfsvígum og sjálfsskaða og styðja við aðstandendur. Toyrun félagar hafa ferðast um landið í þessum tilgangi í þó nokkur ár.
Hópurinn verður á eftirfarandi stöðum í dag og í kvöld:
- Við bensínstöð N1 á Sauðárkróki klukkan 9.00 til 10.00
- Á Ráðhústorgi á Akureyri í hádeginu, frá klukkan 12.00 til 13.00
- Á milli klukkan 15 og 16 verður hópurinn á Húsavík
- Við N1 á Egilsstöðum frá klukkan 20.00 til 21.00
Í tilkynningu er fólk hvatt til þess að hitta Toyrun félagana, spjalla og kaupa af þeim barmmerki til styrktar Píeta.