Grindhvalavaða á Pollinum í dag

Grindhvalavaða er á Pollinum og hefur vakið mikla athygli vegfarenda síðustu tvær klukkustundir eða þar um bil. Vaðan virðist nokkuð stór, líklega um 30 hvalir í torfu. Grindhvalir, sem eru af ættkvísl tannhvala af höfrungaætt, eru mjög algengir við Íslandsstrendur og sjást annað veifið svo innarlega í firðinum. Akureyri.net sagði síðast frá grindhvalavöðu á Pollinum fyrir sléttu ári, í ágúst 2022.