Fara í efni
Fréttir

Greifanum lokað um tíma vegna smits

Veitingastaðnum Greifanum hefur verið lokað tímabundið, eftir að smit kom upp í starfsmannahópnum. Tilkynning þessa efnis var birt á Facebook síðu veitingastaðarins í dag. Þeir sem snæddu á Greifanum í gærkvöldi eru sérstaklega beðnir um að gæta vel að sér.

Tilkynning Greifand er svohljóðandi:

„Kæru viðskiptavinir

Það hefur því miður komið upp smit í starfsmannahóp okkar. Samkvæmt leiðbeiningum sóttvarnaryfirvalda þá lokum við staðnum tímabundið. Einhverjir starsmenn munu þurfa að fara í sóttkví og við bíðum frekari fyrirmæla um næstu skref. Við viljum biðja þá gesti sem komu til okkar mánudagskvöldið 16. 8 að gæta sérstaklega vel að sér.“