Fara í efni
Fréttir

Gauti snýr aftur heim til Eyja í sumar

Gauti Gunnarsson staldrar ekki nema einn vetur við á Akureyri. Ljósmynd: Skapti Hallgrímsson

Handboltamaðurinn Gauti Gunnarsson, sem leikið hefur með KA í vetur, hefur samið við ÍBV á ný og snýr heim til Eyja í sumar eftir eins árs dvöl á Akureyri. Handknattleiksdeild ÍBV tilkynnti í vikunni að samið hafi verið við Gauta til tveggja ára.

Gauti, sem er örvhentur hornamaður, leysti Óðin Þór Ríkharðsson af hólmi eftir síðasta keppnistímabil. Óðinn hélt þá í víking, eftir einn vetur með KA þar sem hann var frábær, og samdi við lið Kadetten í Sviss. Gauti hefur skorað 4,2 mörk að meðaltali í leik með KA í vetur.