Fundir um stöðu og horfur í ferðaþjónustu
Á morgun, þriðjudag 1. mars, bjóða KPMG og Markaðsstofa Norðurlands til tveggja funda þar sem markmiðið er að ræða um stöðu og framtíðartækifæri ferðaþjónustunnar á svæðinu. Fyrri fundurinn verður í Hofi á Akureyri kl. 10:00 – 11:30 og seinni fundurinn á Hótel Varmahlíð kl. 15:00 – 16:30.
„Á fundunum munu sérfræðingar KPMG og Markaðsstofu Norðurlands mæta og ræða um tækifæri í norðlenskri ferðaþjónustu, ítarlega greiningu á ferðþjónustu landshlutans og fjalla um möguleika greinarinnar tengdum sjálfbærni. Ásamt KPMG og Markaðsstofa Norðurlands koma samtök sveitarfélaga á Norðurland vestra að fundinum í Varmahlíð,“ segir í tilkynningu.
Dagskrá fundanna:
- Tækifæri í norðlenskri ferðaþjónustu
- Staða ferðaþjónustunnar og helstu áskoranir fyrirtækja í greininni
o Niðurstaða könnunar og greininga KPMG
o Hvaða tækifæri og lausnir eru í boði fyrir fyrirtækin í greininni til að mæta þeim áskorunum sem framundan eru?
- Sjálfbærni og ferðaþjónustan – hvar liggja möguleikarnir?
- Umræður
Skráning á fundina er á eftirfarandi slóð:
https://kpmg.wufoo.com/forms/via-komum-til-aan-raaum-takifari-a-feraaajanustu/