Fjölbreytt dagskrá í tilefni sjómannadags
Sjómannadagurinn er á sunnudaginn og af því tilefni verður fjölbreytt dagskrá á Akureyri um helgina og í Hrísey og Grímsey á sjómannadaginn sjálfan. Á Akureyri verður t.a.m. mikið um að vera í Sandgerðisbótinni fyrripart laugardags og minningarsigling með Húna verður á sínum stað síðdegis. Á sjómannadaginn má t.d. nefna að kl. 16 verður afhjúpaður minnisvarði um síðutogara og síðutogarasjómenn, rétt norðan athafnasvæðis Nökkva.
Dagskrá sjómannadagshelgarinnar er annars sem hér segir:
Laugardagur 6. júní
10:00 - 14.00 – Sandgerðisbót
- Verbúðir í Sandgerðisbót opnar, trillukarlar bjóða upp á sjávarsmakk
- Sjómannalög óma um alla bótina
- Grillaðar pylsur og Coke í boði Kjarnafæðis/Norðlenska, Myllunnar og Vífilfells
- Fiskasýning
- Bátabryggjurnar opnar og bátar til sýnis
- Netabætingar og tógsplæsingar kenndar
- Skipslíkön Sjómannafélags Eyjafjarðar til sýnis
- Hoppukastalar fyrir börnin
- Karamellurigning í boði Góu
17:00 – Fiskihöfn - Minningarsigling með Húna
Látinna sjómanna minnst. – „Það vaxa ekki blóm á leiðum sem liggja í votri gröf.“ – Blóm lögð í sjóinn á vinnustað sjómanna eftir minningarstund. Öll velkomin meðan skipspláss leyfir.
Minnisvarðinn um síðutogara og síðutogarasjómenn var fluttur á Höepfnerssvæðið í vikunni. Hann verður afhjúpaður á sunnudaginn. Mynd: Hilmar Friðjónsson
Sunnudagur 7. júní – Sjómannadagurinn
08:00 – Fánadagur
- Bæjarbúar draga fána að hún
11:00 – Sjómannadagsguðsþjónusta
- Messa í Akureyrarkirkju
- Sjómenn heiðraðir
13:00 og 14:15 – Hópsigling smábáta og Húna II
- Húni siglir með bæjarbúa og hópsigling smábáta
- Öll velkomin
16:00 – Höepfnerssvæðið - minnisvarði afhjúpaður
- Minnisvarði um síðutogara og síðutogarasjómenn afhjúpaður
Hópsigling á sjómannadaginn 2025. Húni II og hátt í 30 smábátar sigldu úr Sandgerðisbót og inn á Poll. Mynd: Þorgeir Baldursson
GRÍMSEY
Kvenfélagið Baugur heldur kaffihlaðborð í félagsheimilinu Múla á sunnudeginum.
- 10:00 Sigling
- 11:11 Sjómannadagsmessa í Hríseyjarkirkju
- 12:00 Ferjumenn grilla pylsur á svæðinu, tæki björgunarsveitar og slökkviliðs til sýnis. Leikir og sprell á svæðinu
- 15:00 Kaffisala kvenfélagsins í Íþróttamiðstöðinni
- 16:00 Sigling fyrir börnin á björgunarbátnum Kidda
Föstudagskvöldið 5. júní munu félagar úr Björgunarsveit Hríseyjar ganga í hús og selja sjómannadagsmerki til styrktar félaginu.