Fara í efni
Fréttir

Færðu barnadeild SAk og Grófinni gjafir

Aðalheiður Guðmundsdóttir, forstöðuhjúkrunarfræðingur á barnadeild SAk og Haukur Hergeirsson, verslunarstjóri Elko. Ljósmyndir: Skapti Hallgrímsson.

Barnadeild Sjúkrahússins á Akureyri og Grófin - geðrækt fengu í dag gjafir frá Styrktarsjóði Elko. Sjóðurinn gefur árlega til góðra málefna.

Haukur Hergeirsson, verslunarstjóri Elko á Akureyri, afhenti Aðalheiði Guðmundsdóttur, forstöðuhjúkrunarfræðingi á barnadeild SAk, Play Station 5 tölvu ásamt leikjum, stýripinna og heyrnartóli.

„Þetta kemur sér mjög vel. Í fyrra gaf Elko okkur tvær Nintendo Switch tölvur sem voru afar kærkomnar; þetta eru mjög heppileg leikföng fyrir börn þegar þau eru lasin,“ sagði Aðalheiður í dag.

Þá afhenti Hjörleifur Helgi Jónsson, tæknimaður hjá Elko, Ingu Maríu Ellertsdóttur, stjórnarformanni Grófarinnar,  SodaStream tæki og skjávarpa. „Þetta á eftir að nýtast okkur frábærlega,“ sagði Inga María í dag.

Hjörleifur Helgi Jónsson, tæknimaður hjá Elko, og Inga María Ellertsdóttir, stjórnarformaður Grófarinnar.