Fara í efni
Fréttir

Eiríkur Björn verður efstur hjá Viðreisn

Eiríkur Björn verður efstur hjá Viðreisn

Eiríkur Björn Björgvinsson verður í 1. sæti á lista Viðreisnar í Norðausturkjördæmi í Alþingiskosningunum í haust skv. heimildum Akureyri.net. Þær herma jafnframt að ákvörðunin verði líklega gerð opinber á morgun.

Eiríkur Björn hefur síðastliðin tvö ár starfað sem sviðsstjóri hjá Garðabæ. Þar áður var hann búsettur í kjördæminu í um þrjá áratugi og starfaði sem bæjarstjóri samfellt síðustu 16 árin, fyrst átta ár á Fljótsdalshéraði og síðan önnur tvö kjörtímabil á Akureyri.

Akureyri.net greindi frá því 12. apríl að viðræður stæðu yfir við Eirík Björn um að skipa oddvitasætið – smellið hér til að lesa þá frétt.