Fara í efni
Fréttir

Einn með Covid en allar legudeildir fullar

Ljósmynd: Skapti Hallgrímsson

Einn sjúklingur liggur á Sjúkrahúsinu á Akureyri (SAk) með Covid-19, ekki á gjörgæslu þó. Forstjóri SAk segir þungt ástand á sjúkrahúsinu og allar legudeildir séu fullar. Þetta kom fram í kvöldfréttum RÚV.

Nokkrir starfsmenn eru í sóttkví eða einangrun og einhverjir foreldarar frá vinnu með börn heima í sóttkví, að sögn Hildigunnar Svavarsdóttur, forstjóra. Hún tjáði fréttamanni RÚV að SAk hefði tekið við sjúklingum frá Landspítalanum eftir að hann var settur á neyðarstig og eins hefðu starfsmenn SAk farið til starfa fyrir sunnan. Það yrði erfitt viðureignar ef smitum fjölgaði frekar á Norðurlandi, segir Hildigunnur.

Smellið hér til að hlusta á frétt RÚV