Andlát: Orri Harðarson

Orri Harðar­son, tón­list­armaður og rit­höf­und­ur, er látinn eftir nokkurra mánaða baráttu við krabbamein. Orri fæddist á Akra­nesi 12. des­em­ber 1972 og lést á Heil­brigðis­stofn­un Vest­ur­lands á Akra­nesi 7. júní sl. 52 ára að aldri. Orri bjó um nokkurra ára skeið á Akureyri og var bæjarlistamaður 2017-2018.

For­eldr­ar Orra eru Hörður Ó. Helga­son, fv. skóla­meist­ari á Akranesi og knatt­spyrnuþjálf­ari, og Sigrún Sig­urðardótt­ir, fv. lækna­rit­ari.

Tónlistarferill Orra hófst snemma. Um tvítugt gaf hann út fyrstu plötuna, Drög að heimkomu, og hlaut í kjölfarið Íslensku tónlistarverðlaunin sem bjartasta vonin. Hann starfaði árum saman sem tónlistarmaður, vann einnig mikið við upptökustjórn og útsetti tónlist fyrir aðra.

Síðar sneri Orri sér að ritstörfum; árið 2008 sendi hann sér bókina Alkasamfélagið og síðar tvær skáldsögur, Stundarfró og Endurfundir. Hann starfaði einnig við þýðingar og önnur ritstörf.

Dæt­ur Orra með fv. eig­in­konu, Ingu Elísa­betu Vé­steins­dótt­ur, eru Karólína, 14 ára, og Birgitta Ósk, 11 ára. Mæðgurnar eru búsettar á Akureyri.

Orri tjáði sig mjög opinskátt um veikindin á Facebook síðu sinni undanfarna mánuði. Þann 20. maí skrifaði hann: