Sverrir Páll

Tíu frá GA á Íslandsmóti unglinga í höggleik

Valur Sæmundsson skrifar 15. ágúst 2025 | kl. 15:00

Þessir fjórir fulltrúar Íslands á European Young Masters í Frakklandi í síðasta mánuði eru með á mótinu í Þorlákshöfn. Frá vinstri: Arnar Daði Svavarsson GKG, Máni Freyr Vigfússon Keili, Bryndís Eva Ágústsdóttir Golfklúbbi Akureyrar og Ásdís Rafnar Steingrímsdóttir GR. Mynd: golf.is

Íslandsmót unglinga í höggleik í golfi fer fram á Þorláksvelli í Þorlákshöfn um helgina. Keppendur frá Golfklúbbi Akureyrar eru tíu talsins en alls eru 103 ungmenni skráð til leiks. Keppt er í aldursflokkum 15-16 ára og 17-18 ára stúlkna og pilta.

Þær Björk Hannesdóttir, Bryndís Eva Ágústsdóttir og Lilja Maren Jónsdóttir leika í flokki 15-16 ára stúlkna og fimm piltar frá GA eru í sama aldursflokki. Það eru Arnar Freyr Viðarsson, Ágúst Már Þorvaldsson, Egill Örn Jónsson, Finnur Bessi Finnsson og Patrekur Máni Ævarsson. Enginn keppandi er frá GA í flokki 17-18 ára stúlkna en þeir Hafsteinn Thor Guðmundsson og Ragnar Orri Jónsson taka þátt í piltaflokki 17-18 ára.

Mótið hefst í dag og lýkur á sunnudaginn. Hægt er að fylgjast með skori keppenda og stöðu í aldursflokkunum hér.

Til baka í yfirlit