Sverrir Páll

Þór vann Selfoss og fór upp í fjórða sæti

Skapti Hallgrímsson skrifar 22. júní 2025 | kl. 19:15

Þórsarar fagna seinna marki leiksins í dag. Ragnar Óli Ragnarsson, skælbrosandi þriðji frá hægri, skoraði af stuttu færi eftir horn. Myndir: Ármann Hinrik

Þórsarar sigruðu Selfyssinga 2:0 í dag í Boganum, í níundu umferð Lengjudeildarinnar, næst efstu deildar Íslandsmótsins í knattspyrnu. Við það skaust Þórsliðið úr áttunda sæti upp í það fjórða. Þór er með 14 stig, Njarðvík og HK með 17 og ÍR er efst með 18.

Sigfús Fannar Gunnarsson gerði fyrra markið með glæsilegu skoti utan vítateigs eftir rúman hálftíma og varnarjaxlinn Ragnar Óli Ragnarsson kom Þór í 2:0 um það bil fimmtán mínútum fyrir leikslok með marki af stuttu færi eftir horn.