Sverrir Páll

KA mætir Silkeborg í Evrópukeppninni

Skapti Hallgrímsson skrifar 18. júní 2025 | kl. 12:18

Rodri, Birgir Baldvinsson og Bjarni Aðalsteinsson í 3:1 sigurleiknum á Dundalk frá Írlandi á Framvellinum í Reykjavík í Sambandsdeild Evrópu sumarið 2023. Þeir verða allir í eldlínunni í Evrópuleikjunum framundan. Mynd: Skapti Hallgrímsson

KA mætir Silkeborg IF frá Danmörku í 2. umferð forkeppni Sambandsdeildar Evrópu í knattspyrnu. Dregið var nú í hádeginu í höfuðstöðvum Knattspyrnusambands Evrópu, UEFA, í Nyon í Sviss.

Fyrri leikur liðanna verður í Danmörku fimmtudaginn 24. júlí og sá síðari á Greifavellinum sunnan við KA-heimilið fimmtudaginn 31. júlí.

KA fékk í gær undanþágu frá UEFA þess efnis að mega leika á eigin heimavelli í 2. umferð keppninnar.

Frétt Akureyri.net í gær: Evrópuleikur KA á Greifavellinum

Til baka í yfirlit