Píratar hafa kynnt framboðslistann

Hrafndís Bára Einarsdóttir, leikari og viðburðastjóri, hlaut í mars kjör sem oddviti lista Pírata fyrir bæjarstjórnarkosningarnar í vor, þegar prófkjöri þeirra lauk. Í dag var upplýst að Karl Vinther hönnuður verður í öðru sæti og þriðja sæti skipar Erna Sigrún Hallgrímsdóttir en hún starfar sem liðveitandi samhliða námi. Heiðurssætið skipar Einar Brynjólfsson sem var oddviti kjördæmisins í síðastliðnum alþingiskosningum.

„Framboðið hyggst einbeita sér að frekara gagnsæi í stjórnsýslunni og auknu íbúalýðræði svo tryggja megi að ákvarðanir séu teknar í sátt við samfélagið. Bæta skal þjónustu við börn og eldra fólk og auka almennt jafnræði í samfélaginu. Huga þarf betur að jaðarhópum og gera Akureyri að stað þar sem allur mannauður er metinn að verðleikum. Hópurinn mun birta stefnuskrá sína á næstu vikum,“ segir í tilkynningu frá Pírötum.

Listinn í heild sinni:

1. Hrafndís Bára Einarsdóttir, leikkona og viðburðastýra
2. Karl Halldór Vinther Reynisson, hönnuður
3. Erna Sigrún Hallgrímsdóttir, öryrki/liðveitandi/nemi
4. Embla Björk Hróadóttir, rafeindavirki
5. Narfi Storm Sólrúnar, nemi
6. Lína Björg Sigurgísladóttir, starfsmaður í verslun
7. Halldór Arason, kennari
8. Þórkatla Eggerz Tinnudóttir, barþjónn
9. Reynir Karlsson, rafvirkjameistari
10. Sævar Þór Halldórsson, náttúrulandfræðingur
11. Einar A. Brynjólfsson, menntaskólakennari