Svavar Alfreð Jónsson

Valmari Väljaots sagt upp sem organista

Skapti Hallgrímsson skrifar 03. nóvember 2025 | kl. 21:00

Valmari Väljaots organista í Glerárkirkju hefur verið sagt upp störfum. Valmar vildi ekki tjá sig mikið um málið í samtali við akureyri.net en staðfesti uppsögnina, sagði að sér hefði verið boðið að lækka starfshlutfall úr 100% niður í 60-70% en hann afþakkað og þá verið sagt upp.

Valmar hefur verið organisti í Glerárkirkju í 16 ár. „Ég er ekki sáttur. Mér fannst ekki boðlegt að minnka starfshlutfallið,“ sagði hann í dag. Valmar hefur sem organisti borið ábyrgð á tónlist í kirkjunni, hann kveðst ekki vita gjörla hvert planið sé, enda hafi hann ekki vitað af fyrirhugaðri stefnubreytingu prestanna, en svo virðist sem hugmyndin hafi verið að fá verktaka til þess að sjá um hluta tónlistar í kirkjunni.

Valmar segist fyrst og fremst ósáttur vegna þess að hann hafi ætíð verið heiðarlegur og skilji ekki hvað hafi allt í einu gerst. „Þótt ég sé hvítur, miðaldra karlmaður er ég stoltur af því að vera eins og ég er,“ sagði Valmar Väljaots.

Til baka í yfirlit