Hjólreiðar, frjálsar og útileikir Akureyrarliða

Í dag er síðasti dagur hjólreiðahátíðarinnar sem staðið hefur yfir í Eyjafirði, sem og Meistaramóts Íslands 15-22 ára í frjálsum íþróttum. Fótboltinn fer svo aftur að rúlla og bæði karlaliðin frá Akureyri eiga útileik í dag.

Lokadagur hjólreiðanna

Götuhjólreiðahelgi Hjólreiðafélags Akureyrar lýkur með Criterium-keppni á um tveggja kílómetra löngum hring á Akureyri í dag. Upplýsingar um viðburðinn má finna á vef Hjólreiðasambands Íslands og á Facebook-síðu Hjólreiðafélagsins.

• Hjólreiðasamband Íslands
• Íslandsmeistaramót í criterium

Criterium-keppni fer þannig fram að brautin er hjóluð í fyrirfram ákveðinn tíma, en þegar tíminn er liðinn hjóla allir keppendur einn hring til viðbótar, svokallaðan bjölluhring.

• Íslandsmeistaramót í Criterium kl. 10

Ræst er í U-flokkum kl. 10, A- og B-flokkum kvenna kl. 11 og A-flokki karla kl. 12. Í kvenna- og karlaflokki er hjólað í klukkutíma, auk bjölluhrings, en í 45 mínútur í U-flokkunum. Hjólað er um Goðanes og Baldursnes. Hringurinn er 2,17 kílómetrar.

Lokadagur Meistaramótsins

Lokadagur Meistaramóts Íslands í frjálsum íþróttum í flokki 15-22 ára er í dag. Keppnisgreinar dagsins eru, samkvæmt tímaseðli á vef FRÍ: Grindahlaup, hástökk, þrístökk, kúluvarp, langhlaup, spretthlaup og boðhlaup.

• Dagskrá mótsins á mótavef FRÍ - sjá hér.

Útileikir Akureyrarliðanna

Bæði karlalið Akureyrar í knattspyrnunni eiga útileik í dag. Þór sækir FH heim á Kaplakrikavöll í Hafnarfirði og KA sækir Breiðablik heim á Kópavogsvöll. Tveir leikir gegn liðum á suðvesturhorninu, tveimur af örfáum liðum á landinu sem ekki hafa selt nafnið á sínum heimavelli.

Leikir dagsins eru liður í 11. umferð mótsins, þeirri síðustu í fyrri hluta hinnar hefðbundnu deildarkeppni.

• Besta deild karla í knattspyrnu, 11. umferð
  Kaplakrikavöllur í Hafnarfirði kl. 18
  FH - Þór
• Besta deild karla í knattspyrnu, 11. umferð
  Kópavogsöllur kl. 18
  Breiðablik - KA

Að loknum tíu umferðum er KA í 9. sæti Bestu deildar karla með tíu stig, en Þór er í 11. og næstneðsta sætinu með sex stig. Eina liðið fyrir neðan Þór er FH og stigin því afar mikilvæg fyrir bæði félögin.