Berglind nýr oddviti sjálfstæðismanna

Berglind Ósk Guðmundsdóttir, lögfræðingur og fyrrverandi alþingismaður, er nýr oddviti sjálfstæðismanna á Akureyri. Hún var kjörin í 1. sæti á framboðslista Sjálfstæðisflokksins fyrir bæjarstjórnarkosningarnar í vor, á röðunarfundi í Naustaskóla sem stendur yfir. Heimir Örn Árnason, núverandi oddviti flokksins, verður í 2. sæti listans. 

• Þegar kosið var í 1. sæti hlaut Berglind Ósk 61 atkvæði en Þórhallur Jónsson, varabæjarfulltrúi flokksins, hlaut 55 atkvæði. 119 greiddu atkvæði,  þrír atkvæðaseðlar voru auðir eða ógildir. 
• Heimir Örn Árnason var kjörinn í 2. sæti á fundinum. Heimir Örn hlaut 74 atkvæði og Þórhallur Jónsson 45 atkvæði. 120 greiddu atkvæði, þrír seðlar voru auðir eða ógildir.
• Arna Rut Gunnarsdóttir var kjörin í 3. sæti listans. Hún Rut hlaut 60 atkvæði og Þorsteinn Kristjánsson hlaut 56 atkvæði. 119 greiddu atkvæði, þrjú voru auð eða ógild. Arna Rut og Þorsteinn buðu sig bæði fram í fyrsta skipti.
• Þórhallur Harðarson var kjörinn í 4. sæti. Þórhallur hlaut 69 atkvæði og Vilmundur Árnason hlaut 10 atkvæði. 119 greiddu atkvæði. 40 atkvæði voru auð eða ógild.

Fréttin hefur verið uppfærð