Skipulagsmál

L-listinn birtir allan framboðslistann

Skapti Hallgrímsson - skapti@akureyri.net 12.03.2026 kl. 12:30

Sex efstu á L-listanum, frá vinstri: Andri Teitsson (5.), Brynja Hlíf Þorsteinsdóttir (2.) Óðinn Svan Óðinsson (1.), María Pálsdóttir (4.), Preben Jón Pétursson (3.) og Heiðbjört Ósk Ófeigsdóttir (6.) Mynd: L-listinn.

L-listinn kynnti í hádeginu allan framboðslistann fyrir bæjarstjórnarkosningarnar á Akureyri í vor. Greint hafði verið frá því að Óðinn Svan Óðinsson fjölmiðlamaður yrði í 1. sæti en nú er komið í ljós að Brynja Hlíf Þorsteinsdóttir bæjarfulltrúi og lífeindafræðingur verður í 2. sæti og Preben Jón Pétursson mjólkurtæknifræðingur í 3. sæti.

L-listinn var sigurvegari kosninganna fyrir fjórum árum, fékk þrjá bæjarfulltrúa og er í meirihluta ásamt Sjálfstæðisflokki og Miðflokki.

María Pálsdóttir leikkona og frumkvöðull verður í 4. sæti listans, Andri Teitsson bæjarfulltrúi og verkfræðingur í 5. sæti og Heiðbjört Ósk Ófeigsdóttir kennari og rithöfundur verður í 6. sæti.

Framboðslistinn í heild er sem hér segir:

1. Óðinn Svan Óðinsson - fjölmiðlamaður

2. Brynja Hlíf Þorsteinsdóttir – bæjarfulltrúi / lífeindafræðingur

3. Preben Jón Pétursson – mjólkurtæknifræðingur

4. María Pálsdóttir – leikkona / frumkvöðull

5. Andri Teitsson – bæjarfulltrúi / verkfræðingur

6. Heiðbjört Ósk Ófeigsdóttir – kennari / rithöfundur

7. Geir Kristinn Aðalsteinsson – mannauðsstjóri

8. Paula Del Olmo – þjálfari / verkefnastjóri

9. Jón Þorvaldur Heiðarsson – lektor við HA

10. Guðríður Sveinsdóttir – kennari

11. Árni Óðinsson – rafvirki / tæknimaður