Körfuknattleikur
Þórsarar taka á móti Fjölnismönnum í dag
![](/static/news/lg/1706453098_zy2zw5xtcqggds02jomeru.jpg)
Jason Gigliotti og félagar taka á móti Fjölni í Höllinni í dag. Ljósmynd: Skapti Hallgrímsson
Þór tekur á móti Fjölni í 1. deild karla í körfubolta, næst efstu deild Íslandsmótsins, í Höllinni í dag kl. 18.15. Lið Fjölnis er í 3. sæti deildarinnar, hefur unnið 11 leiki af 13 en Þór er í áttunda sæti með fimm sigra í 13 leikjum. Fyrri leikur liðanna í haust var jafn og spennandi, en Fjölnismenn unnu með sex stiga mun.