Körfuknattleikur
Körfubolti: Þór tekur á móti Haukum í kvöld
29.10.2026 kl. 08:30
Jalen Green (6) og Pétur Cariglia (33) í bikarleik gegn Sindra fyrr í haust. Green hefur verið atkvæðamestur Þórsara í leikjum liðsins í haust. Mynd: Guðjón Andri Gylfason.
Karlalið Þórs í körfuknattleik tekur á móti liði Hauka úr Hafnarfirði í Íþróttahöllinni á Akureyri í kvöld kl. 19:15 í fimmtu umferð 1. deildarinnar.
Þórsliðið vann sinn fyrsta sigur á leiktíðinni í fjórðu umferð 1. deildarinnar um síðastliðna helgi. Þórsarar höfðu tapað fyrstu þremur leikjum sínum í deildinni, ásamt bikarleik, en unnu Fjölni í jöfnum spennuleik síðastliðinn föstudag. Þór og Fjölnir eru jöfn í 9. og 10. sætinu, bæði með einn sigur í fyrstu fjórum umferðunum.
Leikur dagsins verður væntanlega áskorun fyrir Þórsliðið þar sem Haukar eru meðal sterkustu liða deildarinnar, en Hafnarfjarðarliðið er í 2. sæti deildarinnar með fullt hús, fjóra sigra eins og ÍA sem er á toppi deildarinnar.
- Körfubolti
1. deild karla, 5. umferð
Íþróttahöllin á Akureyri kl. 19:15
Þór - Haukar
