Körfuknattleikur
Akureyrarliðin töpuðu – röð botnliða óbreytt
13.09.2026 kl. 19:35
Guðjón Ernir Hrafnkelsson og Fannar Daði Malmquist Gíslason í leik KA og Þórs á dögunum. Mynd: Ármann Hinrik.
Akureyrarliðin KA og Þór töpuðu bæði í fyrstu umferð keppninnar í neðri hluta Bestu deildar karla í knattspyrnu í dag. KA sótti FH heim þar sem gestgjafarnir unnu 3-0 og Þór sótti Val heim þar sem gestgjafarnir unnu 4-1.
Þrjú efri liðin í neðri hlutanum mættu þremur neðstu liðunum og höfðu efri liðin öll betur í dag. ÍBV er áfram í botnsætinu eftir 2-0 tap á útivelli fyrir Stjörnunni. Þar fyrir ofan er KA með 20 stig og síðan Þór með 21. Efri liðin fjarlægðust því nokkuð, FH er með 24 stig, Valur með 30 og Stjarnan 31.
Næsti leikur Akureyrarliðanna er bæjarslagurinn sjálfur sem verður spilaður í flóðljósum á KA-svæðinu laugardaginn 19. september kl. 19:30.
Valur Sæmundsson og Víðir Sigurðsson fjalla nánar hvor um sinn leik:
