Jakob Snær sleit hásin og verður lengi frá

Jakob Snær Árnason, knattspyrnumaður í KA, sleit hásin á æfingu liðsins í Danmörku í gær.  Því er ljóst að hann verður lengi frá.

Fram kom í frétt Akureyri.net fyrr í dag að Jakob Snær hefði meiðst en ekki um hve alvarleg meiðsli að ræða. Jakob er 28 ára Siglfirðingur sem lék með Þór í nokkur ár en hefur verið á mála hjá KA síðan um mitt sumar 2021. Hann á að baki 79 leiki með KA í efstu deild og hefur gert 10 mörk. Jakob hefur komið við sögu í 15 leikjum í Bestu deildinni í sumar.