Fjöldi Akureyrarmeta og bæting í 90% sunda

Sundfólk úr Sundfélaginu Óðni stóð sig vel á Íslands- og unglingameistaramóti í 25 metra laug um síðustu helgi og kom heim með silfurverðlaun og þrenn bronsverðlaun í opnum flokki, auk silfur- og bronsverðlauna í unglingaflokki. Örn Kató Arnarsson og Jón Ingi Einarsson bættu einnig mörg Akureyrarmet.

Fjórtán keppendur frá Sundfélaginu Óðni tóku þátt í mótinu sem haldið var í Laugardalslaug í Reykjavík og alls syntu keppendur frá Óðni í 22 úrslitasundum. Til marks um framfarir og árangur sundfólksins úr Óðni var um bætingu á tíma að ræða í 90% þeirra sunda sem keppendur Óðins þreyttu á mótinu og sex af 14 keppendum félagsins bættu sig í öllum sínum greinum.

Yfirlit um árangur keppenda úr röðum Sundfélagsins Óðins má finna í frétt á vef félagsins.

• Örn Kató Arnarsson vann til silfurverðlauna í 800 m skriðsundi í opnum flokki á tímanum 8:32,78 og bætti þar eigið Akureyrarmet.
  Hann bætti svo um betur með bronsverðlaunum í 1.500 m skriðsundi í opnum flokki á tímanum 16:07,73 þar sem hann setti nýtt Akureyrarmet. Gamla metið átti Sindri Þór Jakobsson frá árinu 2007.
• Örn Kató sló einnig Akureyrarmet í 400 m skriðsundi á tímanum 4:09,73, en gamla metið, 4:10.98, átti einnig Sindri Þór Jakobsson frá árinu 2007.
• Að auki bætti Örn Kató Akureyrarmet í 200 m bringusundi á tímanum 2:27.13, en eldra metið átti Snævar Atli Halldórsson frá árinu 2017.
• Svava Björg Lárusdóttir vann til bronsverðlauna í 50 m flugsundi í opnum flokki á tímanum 30,06 og bætti við öðru bronsi í 100 m fjórsundi á tímanum 1:10.13.
• Ívan Elí Ólafsson hafnaði í 3. sæti í 50 m baksundi í unglingaflokki á tímanum 31.23.
• Jón Ingi Einarsson varð í 2. sæti í 50 m baksundi í unglingaflokki á tímanum 29.65. Hann sló jafnframt 36 ára gamalt Akureyrarmet í 100 m skriðsundi á tímanum 58.30, en gamla metið átti Gísli Pálsson.
• Jón Ingi bætti einnig eigin Akureyrarmet í 50 m og 100 m baksundi, 100 m fjórsundi, 50 m skriðsundi og 100 m flugsundi í aldursflokknum 13–14 ára.
• Að lokum syntu Örn Kató Arnarsson, Alexander Reid McCormick, Magni Rafn Ragnarsson og Jón Ingi Einarsson 4x200 m skriðsund á tímanum 8:30.38, sem er nýtt Akureyrarmet í boðsundi. Eldra metið, 8:40.01, var sett árið 2016.

Sundmenn frá Óðni sem kepptu í úrslitum:

• Alexander Reid McCormick – 200 m skriðsund • 400 m skriðsund • 1.500 m skriðsund
• Benedikt Már Þorvaldsson – 200 m bringusund
• Friðrika Sif Ágústsdóttir – 400 m fjórsund • 200 m flugsund
• Ísabella Jóhannsdóttir – 200 m bringusund • 50 m bringusund • 100 m fjórsund
• Ívan Elí Ólafsson – 50 m baksund • 100 m baksund
• Jón Ingi Einarsson – 50 m baksund • 100 m baksund • 100 m fjórsund • 50 m skriðsund
• Lovísa Austfjörð Stefánsdóttir – 50 m baksund
• Magni Rafn Ragnarsson – 200 m bringusund • 100 m bringusund • 50 m bringusund
• Svava Björg Lárusdóttir – 50 m flugsund • 100 m flugsund • 100 m fjórsund • 50 m skriðsund • 1.500 m skriðsund
• Örn Kató Arnarsson – 400 m skriðsund • 800 m skriðsund • 1500 m skriðsund • 100 m bringusund