Þór gegn ÍBV í Eyjum, KA úti gegn Stjörnunni

Haraldur Ingólfsson - haraldur@akureyri.net 16.10.2026 kl. 06:00

KA og Þór leika bæði á útivelli í kvöld. Myndin eru úr viðureign þessara liða í KA-heimilnu fyrr í haust. Hafþór Vignisson fær óblíðar móttökur hjá Einari Birgi Stefánssyni í vörn KA á meðan KA-mennirnir Daníel Matthíasson og Bjarni Ófeigur Valdimarsson fylgjast með, eins og Þórsarinn Þórður Tandri Ágústsson. Myndir: Ármann Hinrik.

Karlalið Akureyrar í Olísdeildinni í handknattleik eiga bæði útileiki í kvöld. Þórsarar eru farnir til Vestmannaeyja í tveggja leikja ferð og KA fer í Garðabæinn.

Þór sækir ÍBV heim í Olísdeild karla í kvöld og hefst leikurinn kl. 18. Bæði liðin hafa unnið tvo leiki og tapað þremur. ÍBV er í sjötta sæti deildarinnar og Þór í því sjöunda með nokkurra marka óhagstæðari markamun. Bæði liðin töpuðu í síðustu umferð, Þór á útivelli gegn Val og ÍBV á útivelli gegn KA. Leikurinn í kvöld er fyrri leikur Þórs í heimsókn liðsins til Eyja því á morgun spila Þórsarar gegn ÍBV 2 í bikarkeppninni.

KA hefur byrjað tímabilið vel og var í öðru sæti deildarinnar með átta stig að loknum fimm umferðum. KA sækir Stjörnuna heim í kvöld, en Stjarnan er í 10. sæti deildarinnar með þrjú stig. Stjarnan tapaði á útivelli fyrir HK í síðustu umferð, en KA vann ÍBV á heimavelli. Í millitíðinni tapaði KA reyndar fyrir Víkingi á útivelli í bikarkeppninni og Stjarnan fyrir Haukum.