Þór og Fylkir eigast við í Boganum í kvöld
Þórsarar taka á móti Fylkismönnum í kvöld í Lengjudeild karla í knattspyrnu, næst efstu deild Íslandsmótsins. Leikurinn fer fram í Boganum og hefst klukkan 18.00.
Þórsliðið er í fimmta sæti deildarinnar með sjö stig að loknum fjórum leikjum en Fylkir er tveimur stigum á eftir og tveimur sætum neðar.
- Lengjudeild karla í knattspyrnu
Boginn kl. 18:00
Þór - Fylkir
Einn leikur var í deildinni í gær, Þróttarar unnu Völsung 4:1 og fóru á toppinn. Þróttur er með 10 stig en umferðin klárast í kvöld með fimm leikjum og svo gæti farið að Þróttarar yrðu í fimmta sæti að umferðinni lokinni! Staðan er mjög jöfn enda mótið rétt byrjað. Þórsarar gætu farið á toppinn með sigri í kvöld en gætu líka haldið kyrru fyrir í fimmta sætinu, jafnvel mjakast neðar, allt eftir úrslitum kvöldsins.
Leikir kvöldsins:
- Þór - Fylkir 18.00
- Fjölnir - ÍR 18.30
- Keflavík - HK 19.15
- Selfoss - Njarðvík 19.15
- Leiknir R - Grindavík 19.15
Í gær:
- Þróttur R - Völsungur 4:1
Þór hefur unnið Leikni og Grindavík, gert jafntefli við HK og tapað fyrir liði Keflavíkur.
Fylkir vann Selfoss, gerði jafntefli við Njarðvík og Fjölni en tapaði fyrir Þrótti í síðustu umferð.
