Evrópuleikurinn verður í Boganum klukkan 16
UPPFÆRT kl. 14.30 - Leikurinn fer fram í Boganum og hefst klukkan 16.00.
_ _ _
Búið er að ákveða að leikur KA og Paok frá Grikklandi í 2. umferð Evrópudeildar ungmenna í knattspyrnu verði ekki á Greifavelli KA í dag eins og til stóð. Hann átti að hefjast klukkan 14 en nú eru mestar líkur – reyndar nánast öruggt – að leikurinn verði í Boganum kl. 16.
Tvennt er í stöðunni, að sögn Þórodds Hjaltalín starfsmanns Knattspyrnusambands Íslands; að leikið verði á KA-velinum kl. 14 á morgun eða í Boganum kl. 16 í dag, og nánast öruggt að síðarnefndi kosturinn verði fyrir valinu.
Eins og akureyri.net greindi frá í morgun var um 20 sentímetra jafnfallinn snjór á Akureyri í morgun og vinna hófst snemma við að skafa snjó af KA-vellinum. Bjartsýni ríkti um 11 leytið en síðan jókst snjókoman til muna þannig að menn höfðu ekki undan.
- Frétt akureyri.net í morgun:
