Aldís Kara Bergsdóttir
Þórsarar leika gegn Njarðvíkingum syðra
14.06.2025 kl. 11:00
Aron Ingi Magnússon, Clement Bayiha og samherjar þeirra í Þórsliðinu sækja Njarðvíkinga heim í dag. Bayiha gerði mark Þórs í 1:1 jafntefli gegn ÍR í síðustu umferð. Myndir: Ármann Hinrik
Þórsarar heimsækja Njarðvíkinga í dag, þegar áttundu umferð næst efstu deildar karla í knattspyrnu lýkur. Flautað verður til leiks kl. 16:00. Þrír leikir fóru fram í gær og ÍR-ingar er á toppi Lengjudeildarinnar.
Með sigri í dag gæti Þórsliðið komist upp að hlið HK í 2.-3. sæti en fagni Njarðvíkingar hins vegar sigri fara þeir tveimur stigum upp fyrir HK og yrðu tveimur stigum á eftir ÍR-ingum.
Þór gerði 1:1 jafntefli við ÍR í Boganum í síðustu umferð á sama tíma og Njarðvík gerði 2:2 jafntefli við Þrótt á útivelli.
- Lengjudeild karla í knattspyrnu
JBÓ völlurinn í Njarðvík 16:00
Njarðvík - Þór
Þrír leikir voru í gær:
- Fylkir - Grindavík 1:1
- HK - Fjölnir 3:0
- ÍR - Leiknir 1:0
Staða efstu liða, leikafjöldi, stig, markatala:
- ÍR 8 – 18 (+8)
- HK 8 – 14 (+7)
- Njarðvík 7 – 13 (+10)
- Grindavík 7 – 11 (+5)
- Þór 7 – 11 (+3)
- og Þróttur 7 – 11 (+2)
- Keflavík 6 –10 (+6)
