Góður eldur, þolinmæði og virðing fyrir hráefni

Þráinn Lárusson skrifaði um grill og barbecue fyrir viku í matarpistli í röðinni MATARÞRÁ-INN. Það var fyrri hluti af tveimur, þar sem hann fjallaði sögulega um þessar vinsælu eldunaraferðir. Í dag segir Þráinn frá því hvernig best sé að matbúa á eldi með hliðsjón af mismunandi hráefnum.

„Þótt grill og barbecue séu tvær ólíkar aðferðir eiga þær sameiginlegar rætur í einni elstu hefð mannkyns: að elda mat við opinn eld. Í öðru tilvikinu er hráefnið eldað hratt við mikinn hita, en í hinu fær hitinn að vinna hægar og lengur,“ skrifar Þráinn í pistli dagsins.

„Þegar grilltímabilið hefst á vorin er því vert að muna að útigrillið er ekki aðeins tæki til að steikja kótilettur eða hamborgara. Það getur líka orðið að hægeldunarofni þar sem stór kjötstykki eldast í rólegheitum yfir reyk og glóð. Því er tilvalið að prófa sig áfram með þyngra hráefni í óbeinni grillun eða barbecue.“

Þráinn segir að hvort sem valið er að grilla eða elda barbecue séu grundvallaratriðin hin sömu og hafa verið í þúsundir ára: góður eldur, þolinmæði og virðing fyrir hráefninu.

Pistill Þráíns: Tvær aðferðir – sami eldurinn