Jón Björn Hákonarson ráðinn sveitarstjóri

Sveitarstjórn Eyjafjarðarsveitar hefur ráðið Jón Björn Hákonarson í starf sveitarstjóra. Hann tekur við af Finni Yngva Kristinssyni, sem ákvað fyrr á árinu að óska ekki eftir endurráðningu þegar kjörtímabilinu lyki. Mikill áhugi var á starfinu en alls bárust 35 umsóknir þegar það var auglýst laust til umsóknar í kjölfar sveitarstjórnarkosninganna í vor. Jón Björn mun hefja störf þann 1. ágúst nk.

Jón Björn hefur starfað að sveitarstjórnarmálum allt frá árinu 1994 og gegnt fjölmörgum trúnaðar- og forystuhlutverkum, meðal annars sem forseti bæjarstjórnar í Fjarðabyggð frá 2010-2020 og aftur frá 2023 en árin 2020-2023 gegndi hann starfi bæjarstjóra Fjarðabyggðar. Þá er hann formaður Samband íslenskra sveitarfélaga og hefur gegnt fjölmörgum trúnaðarstörfum á vettvangi sveitarfélaga, ásamt því að hafa m.a. verið stjórnarformaður Landsvirkjunar. „Ferill Jóns Björns einkennist af breiðri reynslu sem spanna bæði stjórnmál, stjórnsýslu og framkvæmdastörf,“ segir í frétt á vefsíðu Eyjafjarðarsveitar þar sem greint er frá ráðningunni.

„Sveitarstjórn bindur miklar vonir við að reynsla Jóns Björns, víðtækt tengslanet og skýr sýn á þróun sveitarfélaga muni nýtast vel í áframhaldandi uppbyggingu Eyjafjarðarsveitar og í þjónustu við íbúa samfélagsins,“ segir ennfremur í fréttinni.

Umsækjendur um starf sveitarstjóra voru:

Auður Thorberg

Bragi Þór Thoroddsen

Einar Kristján Jónsson

Elísabet Friðriksdóttir

Gísli Ólafsson

Hallur Guðmundsson

Hermann Jóhannesson

Jóhannes Valgeirsson

Jón Björn Hákonarson

Jón Hrói Finnsson

Jónas Egilsson

Katrín Dóra Þorsteinsdóttir

Kári Gautason

Ketill Sigurður Jóelsson

Kristján Óli Níels Sigmundsson

Lilja Birgisdóttir

Magnea Marinósdóttir

Magnús Ingi Jónsson

Maríanna H. Helgadóttir

Nanna Lind Stefánsdóttir

Ragna Berg Gunnarsdóttir

Sigríður Bjarnadóttir

Stefanía Guðrún Kristinsdóttir

Sævar Freyr Sigurðsson

Þorsteinn Þorsteinsson

10 manns drógu umsóknir sínar til baka.