Íþróttir
Bikarkeppnin: Þór/KA dróst gegn Tindastóli
03.05.2024 kl. 20:00
Leikmenn Þórs/KA fagna eina markanna í sigurleiknum gegn FH í Hafnarfirði á dögunum. Mynd: Skapti Hallgrímsson
Norðurlandsslagur verður í 16-liða úrslitum bikarkeppni kvenna í knattspyrnu því Þór/KA og Tindastóll drógust saman. Leikurinn á að fara fram á Sauðarkróki laugardaginn 18. maí klukkan 14.00.
Gaman er að geta þess að liðin mætast á sama stað í Bestu deildinni nokkrum dögum síðar, laugardaginn 25. maí.
Dregið var í 16-liða úrslitunum í dag. Leikirnir eru þessir:
- Stjarnan - Breiðablik
- Tindastóll - Þór/KA
- FH - FHL
- Afturelding - Víkingur R.
- Þróttur R. - Fylkir
- Grótta - Keflavík
- Grindavík - ÍA
- Valur - Fram
