Þór/KA leikur gegn Aftureldingu syðra

Stelpurnar okkar í Þór/KA mæta Aftureldingu í Bestu deildinni í knattspyrnu í Mosfellsbæ í dag.

Þór/KA tapaði fyrir Breiðabliki á útivelli í fyrstu umferðinni, 4:1, en vann frækinn sigur á Íslandsmeisturum Vals, 1:0, í annarri umferð mótsins í Boganum. Afturelding hefur tapað báðum leikjunum til þessa; 4:1 heima fyrir Selfossi og 4:2 fyrir Þrótti á útivelli.

• Leikurinn hefst klukkan 14.00 verður sýndur beint á Stöð 2 Sport