Fara í efni
Umræðan

2.500 boðaðir í bólusetningu í dag

Bólusetning á slökkvistöðinni á Akureyri í dag. Ljósmynd: Skapti Hallgrímsson.
Bólusetning á slökkvistöðinni á Akureyri í dag. Ljósmynd: Skapti Hallgrímsson.

Bólusetningarátak vegna Covid-19 hófst eftir hádegi í dag á slökkvistöðinni á Akureyri. Ríflega 2.500 eru boðaðir í dag og fyrsta klukkutímann mættu um 500 manns. Opið er til klukkan 17.00

Hluti þeirra sem mæta í dag fá örvunarskammt – þriðju bólusetningu, en sumar eru að mæta í fyrsta skipti eða annað skipti.

Bólusett verður fjóra fimmtudaga á næstunni - klukkan 13.00 til 15.00 í öll skiptin.

  • 18. nóvember
  • 25. nóvember
  • 9. desember
  • 16. desember

Á vef Heilbrigðisstofnunar Norðurlands (HSN) kemur fram að send verði út boð í örvunarskammta. Þar segir ennfremur að þeim, sem ekki hafa hafið bólusetningar eða ekki getað nýtt sér fyrri boð, sé velkomið að koma á auglýstum opnunartíma á Akureyri. Ekki sé þörf á að hafa strikamerki með í för, bara mæta á staðinn. Börn sem hafa náð 12 ára aldri eru velkomin í fylgd forráðamanna.

Á vef HSN segir jafnframt:

  • Öllum 16 ára og eldri býðst örvunarskammtur þegar sex mánuðir eru liðnir frá grunnbólusetningu.
  • Bólusettum yngri en 70 ára býðst örvunarskammtur þegar 6 mánuðir eru liðnir frá grunnbólusetningu.
  • Bólusettir 70 ára og eldri geta fengið örvunarskammt þegar 3 mánuðir hafa liðið frá grunnbólusetningu.
  • Bólusett verður með bóluefni frá Pfizer, óháð því bóluefni sem notað var við grunnbólusetningu.
  • Munið að 14 dagar þurfa að líða milli inflúensubólusetningar og bólusetningar gegn COVID-19.
  • Þau sem eru búin með grunnbólusetningu og hafa fengið Covid eiga að bíða þangað til frekari fyrirmæli berast.

Sóttvarnalæknir mælir með þriðja skammti

Bólusetningarátak; örvunarskammtar og óbólusettir

Að rífa eða rífa ekki, það er spurningin

Jón Ingi Cæsarsson skrifar
25. nóvember 2022 | kl. 10:00

Svar við opnu bréfi Arnars

Ásthildur Sturludóttir skrifar
24. nóvember 2022 | kl. 15:40

Seðlabankastjóri á hálum ís

Björn Valur Gíslason skrifar
24. nóvember 2022 | kl. 12:00

Bréf til þingmanna í Norðausturkjördæmi

Ingólfur Sigfússon, Ásrún Ýr Gestsdóttir og Ingimar Ragnarsson skrifa
23. nóvember 2022 | kl. 13:40

AkureyrarAkademían og samfélagið

Sigurgeir Guðjónsson skrifar
23. nóvember 2022 | kl. 12:30