Fara í efni
Fréttir

Króatískur framherji til liðs við Þórsara

Körfuknattleiksdeild Þórs hefur samið við króatískan framherja, Toni Cutuk að nafni, og mun hann leika með Þór í fyrstu deildinni á komandi tímabili. Tony er 208 cm hár og 107 kg, fæddur árið 1999.

Síðasta vetur spilaði hann með KK Sonik Puntamika í Króatíu. Hann á að baki leiki með landsliði 18 ára yngri, að því er segir á heimasíðu Þórs.

„Á síðasta tímabili skilaði hann 6 stigum og 3,5 fráköstum að meðaltali í leik á 19,5 mínútum en hafa ber í huga að stigaskor í leikjum í Króatíu er allajafna talsvert lægra en þekkist á Íslandi.“

Hér má sjá myndband með Cutuk.