KA-menn unnu ÍA og fóru upp úr fallsæti
KA-menn sigruðu Akurnesinga 2:0 á heimavelli síðdegis í Bestu deildinni, efstu deild Íslandsmótsins í knattspyrnu. Með sigrinum komust þeir úr fallsæti og sendu Skagamenn jafnframt niður í neðsta sætið. Jóan Símun Edmundsson gerði fyrra markið þegar um það bil stundarfjórðungur var liðinn af leiknum og Hallgrímur Mar Steingrímsson tryggði sigur KA þegar hann skoraði fáeinum mínútum fyrir leikslok.
Mikið var undir því barátta neðstu liða er gríðarlega hörð. Tvö neðstu liðin eru ÍA sem er með 15 stig að loknum 16 leikjum og KR með 16 stig eftir 15 leiki. FH, ÍBV og KA eru þar fyrir ofan með 18 stig, KA eftir 16 leiki en hin tvö hafa lokið 15 leikjum.
Meira í kvöld
Hallgrímur Jónasson þjálfari KA gat brosið breitt að leikslokum í dag. Mynd: Skapti Hallgrímsson
