RSS - Myndasafn - Gamla myndin

m-stae1-17554 frá Minjasafninu á Akureyri

Wed, 09 Sep 2026 18:19:32 +0000

Hefur þú, lesandi góður, hugmynd um hvar myndin að ofan er tekin. Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-17554 frá Minjasafninu á Akureyri

m-stae1-17592-1 frá Minjasafninu á Akureyri

Thu, 03 Sep 2026 15:58:26 +0000

Þetta er síldarplan á Siglufirði en ekki hafa borist nákvæmari upplýsingar. - / m-stae1-17592-1 frá Minjasafninu á Akureyri

m-stae1-17595 frá Minjasafninu á Akureyri

Thu, 27 Aug 2026 17:04:42 +0000

Þetta er söltunarstöðin Bakki á Siglufirði. Pétur J. Thorsteinsson á Bíldudal byggði hús með sama nafni steinsnar frá, 1917 að því talið er, og sumar heimildir herma að Pétur hafi einnig byggt söltunarstöðina á árunum 1916-1919 en á vef Síldarminjasafns Íslands á Siglufirði segir í grein eftir Benedikt Sigurðsson: „Eitt af fyrirtækjum Óskars Halldórssonar, Hrogn og lýsi h.f., byggði íshúsið á söltunarlóð sinni í Bakka 1925.“ - / m-stae1-17595 frá Minjasafninu á Akureyri

m-stae1-17597 frá Minjasafninu á Akureyri

Thu, 20 Aug 2026 08:52:35 +0000

Þetta er húsið Bakki á Siglufirði sem Pétur J. Thorsteinsson á Bíldudal byggði snemma á síðustu öld, líkast til 1917. Steinsnar frá var reist söltunarstöð, sem einnig var kölluð Bakki. Það mun vera hvíta húsið sem sést í lengst til hægri á þessari mynd; akureyri.net fékk sendar upplýsingar um að Pétur hefði einnig byggt söltunarstöðina á árunum 1916-1919 en heimildum ber ekki saman. Á vef Síldarminjasafns Íslands á Siglufirði segir í grein eftir Benedikt Sigurðsson: „Eitt af fyrirtækjum Óskars Halldórssonar, Hrogn og lýsi h.f., byggði íshúsið á söltunarlóð sinni í Bakka 1925.“ – Óskar, útgerðarmaður og síltarsaltandi (fyrirmyndin að síldargrósseranum Íslandsbersa í Guðsgjafaþulu Halldórs Laxness) leigði húsið á þessari mynd um tíma fyrir starfsemi fyrirtækis síns, skv. grein Benedikts, en síðar voru gerðar fjórar íbúðir í húsinu og búið í því allt til ársins 1982. Slökkvilið Siglufjarðar fékk þá húsið til æfinga og var það brennt til kaldra kola á æfingu árið 1983. - / m-stae1-17597 frá Minjasafninu á Akureyri

m-stae1-17624 frá Minjasafninu á Akureyri

Fri, 14 Aug 2026 01:09:11 +0000

Þetta er skátaskálinn Valhöll sem kvenskátafélagið Valkyrjur á Akureyri byggði í landi Veigastaða í Vaðlaheiði. Húsið var tekið í notkun 1946. Lesandi nefndi að konan fyrir utan húsið gæti verið Erla Gunnarsdóttir. - / m-stae1-17624 frá Minjasafninu á Akureyri

m-stae1-17647 frá Minjasafninu á Akureyri

Thu, 06 Aug 2026 10:23:22 +0000

Kirkjuvegur 16 í Ólafsfirði. Húsið hefur mikið breyst í áranna rás. - / m-stae1-17647 frá Minjasafninu á Akureyri

m-stae1-17655 frá Minjasafninu á Akureyri

Tue, 28 Jul 2026 11:05:42 +0000

Þetta er barnaskólinn í Ólafsfirði, sem nú er hluti Grunnskóla Fjallabyggðar. Kennsla hófst í húsinu haustið 1950. - / m-stae1-17655 frá Minjasafninu á Akureyri

m-stae1-17656 frá Minjasafninu á Akureyri

Thu, 23 Jul 2026 19:22:19 +0000

Vignir Sveinsson sendi ítarlegar og skemmtilegar upplýsingar um myndina. Hann hefur orðið: Fyrir viku var birt mynd af Vallakirkju sem er auðþekkjanleg. Þar fermdist ég fyrir rúmum 60 árum. Ég tel mig vita með nokkurri vissu um nöfn þriggja af fjórum sem standa á tröppum hennar. Lengst til vinstri mun vera Sveinbjörn Jónsson (Þórðarsonar frá Hnjúki í Skíðadal), lengst af kenndur við Ofnasmiðjuna. Við hlið hans álít ég að sé Ágúst Jónsson (húsasmíðameistari og steinasafnari á Akureyri) yngsti bróðir hans, og sá þriðji f.v. er án efa Valdimar V. Snævarr, skólastjóri og sálmaskáld. Ég man eftir þeim bræðrunum í heimsókn að Þverá í Skíðadal, bernskuheimili mínu. Þar voru þeir að heilsa upp á frændfólk sitt því móðir mín, Þórdís Rögnvaldsdóttir og þeir voru bræðrabörn. Þetta mun hafa verið um 1960. Ég var þá um 10 ára aldurinn og mér eru þessir hávöxnu, grönnu og fínt klæddu frændur okkar minnisstæðir. Ekki er ólíklegt að myndin tekin í þeirri ferð en það gæti líka hafa verið fyrr, a.m.k. veit ég að Sveinbjörn kom líka í dalinn 1950 því til eru myndir sem hann tók í þeirri ferð. Held þó að Ágúst hafi ekki verið með honum þá. Valdimar lést 1961, hafði þá síðustu tæplega tvo áratugina átt heimili sitt á Völlum hjá syni sínum sr. Stefáni og konu hans Jónu sem Sveinbjörn og Ágúst voru einnig skyldir (að öðrum og þriðja). Um nafn mannsins lengst til hægri veit ég ekki. / m-stae1-17656 frá Minjasafninu á Akureyri

m-stae1-17733 frá Minjasafninu á Akureyri

Thu, 16 Jul 2026 17:24:03 +0000

Þetta er Norðurgata 16 á Akureyri, einnig nefnt Svarfdælingahús, að sögn Arnórs Blika Hallmundssonar, höfundar Hús dagsins-pistlanna frábæru. Norðurgata 16 er byggt 1926 og verður „hús dagsins“, að sögn Arnórs Blika „eins og meiningin er með öll hús bæjarins sem eiga aldarafmæli í ár, líklega síðsumars eða með haustinu.“ / m-stae1-17733 frá Minjasafninu á Akureyri

m-stae1-17760 frá Minjasafninu á Akureyri

Tue, 07 Jul 2026 10:17:27 +0000

Þetta er gamli bærinn í Spónsgerði í Hörgársveit, skammt frá Möðruvöllum. - / m-stae1-17760 frá Minjasafninu á Akureyri

m-stae1-17384 frá Minjasafninu á Akureyri

Sun, 05 Jul 2026 21:55:58 +0000

Hér er í byggingu brú yfir Hvítá í Borgarfirði, milli Ferjukots og Hvítárvalla. - / m-stae1-17384 frá Minjasafninu á Akureyri

m-stae1-17389 frá Minjasafninu á Akureyri

Sat, 20 Jun 2026 11:26:02 +0000

Hér er unnið að byggingu brúarinnar yfir Grímsá við Oddsstaði í Lundarreykjadal. Brúin var tekin í notkun árið 1950. / m-stae1-17389 frá Minjasafninu á Akureyri

m-stae1-17502 frá Minjasafninu á Akureyri

Fri, 19 Jun 2026 00:15:08 +0000

Þetta er gamli prestsbústaðurinn á Grenivík. Björn Ingólfsson, fyrrverandi skólastjóri á Grenivík, sendi fróðlegar og skemmtilegar upplýsingar, einu sinni sem oftar. Björn skrifar: Húsið var byggt 1903 fyrir sóknarprestinn í Grenivík, séra Árna Jóhannesson. Hann bjó þar með stórri fjölskyldu til dauðadags 1927. Þá flutti í húsið Jóhann J. Kristjánsson læknir sem líka átti stóra fjölskyldu. Þau bjuggu þar til 1937 er þau fluttu til Ólafsfjarðar. Þá var húsið rifið og byggt nýtt læknishús. Símstöð var í húsinu frá 1919 til 1933. Myndin er tekin eftir 1931 því að í kirkjugarðinum má sjá minnismerkið sem er á leiði sonar lækinshjónanna Hannesar Jóhannssonar (1926-1931). Líklega er þetta frú Inga Guðmundsdóttir sem stendur á pallinum - / m-stae1-17502 frá Minjasafninu á Akureyri

m-stae1-17478 frá Minjasafninu á Akureyri

Fri, 12 Jun 2026 01:35:39 +0000

Myndin er tekin á hesthúsavellinum á Ytri-Á á Kleifum í Ólafsfirði. Í baksýn eru fjárhúsin á Ytri-Á og Múlinn. Fjárhúsin hafa breyst töluvert, helmingurinn af þeim hefur verið rifinn og hlutinn þar sem lægra þakið á myndinni er var hækkaður og settur hærri stafn og brattara þak. Konurnar tvær eru sagðar dætur Finns Björnssonar og Mundínu Freydísar Þorláksdóttur sem eignuðust 20 börn saman og bjuggu á neðri hæðinni á Ytri-Á. Lesandi taldi að konurnar gætu verið Stefanía Gunnlaug og Birna en Laufey systir þeirra var einnig nefnd. Ekki er enn vitað hvaða barn er á milli þeirra. - / m-stae1-17478 frá Minjasafninu á Akureyri

m-stae1-17507 frá Minjasafninu á Akureyri

Fri, 05 Jun 2026 01:05:35 +0000

Hefur þú, lesandi góður, hugmynd um hvar þessi er tekin og hvenær, og jafnvel hvaða menn eru þarna? Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-17507 frá Minjasafninu á Akureyri